Yun Hi Chale The Vikas Relhan Vk Kiran Arya

Song : Yun Hi Chale the
Singer and Music : Vikas Relhan Vk
Lyrics : Kiran Arya

yun hi chale the kuchh khwahishein liye
paise kamane ke liye
paise kamate kamate ik ghar banane ke liye
khwahishein badhti gayin khud ko banane ke liye
yun hi chale the....

paisa aaya makaan bana aur bhatakte rahe
ghar banane ke liye
ab rehte hain ghar jaise makaan ki manzilon mein
aur roshni ko bhatakte hain zindagi banane ke liye
yun hi chale the....

kahin chhod aaye wo barish ki atthkheliyon ko
kiraye ki cycle aur poti hui takhtiyon ko
himmat nahi hoti baha dein fir se kaagaz ki kashtiyon ko
yun hi chale the.....

lamha lamha udhaar si zindagi hai
gar yahi zindagi hai to kya zindagi hai
to fir achha tha bachpan maza tha sabhi kuchh khone mein
ik bacha sa rehta hai is dil ke kisi ik kone mein
bahut darr lagta hai ab chhoti si chot pe rone mein